26 მაისს ოპოზიცია საქართველოს დამოუკიდებლობის დღეს საპროტესტო აქციით აღნიშნავს. როგორც დღეს გამართულ საინფორმაციო მიტინგზე საზოგადოებრივი მოძრაობა "სოლიდარობა უკანონო პატიმრების ხელმძღვანელმა ეკა ბესელიამ განაცხადა, დამოუკიდებლობის დღეს აღლუმს ხალხი გამართავს და არა დღევანდელი ხელისუფლება.
ამას გარდა, ვარკეთილში გამართულ აქციაზე შეკრებილი ოპოზიციის ლიდერებმა იმ ოპოზიციას "რომლებიც კამერიდან უყურებენ მოვლენებს" მოუწოდეს, რომ შეუერთდნენ მათ და ქართველ ხალხთან ერთად იზეიმონ ქვეყნის დამოუკიდებლობის დღე.
