საქართველოს პრეზიდენტის მიხეილ სააკაშვილის განცხადებით, 2007 წლის 7 ნოემბერს ქართულმა პოლიციამ სახელმწიფო გადატრიალების შეჩერება მოახერხა.
ქვეყნის პირველმა პირმა 7 ნოემბრის მოვლენები დღეს კიდევ ერთხელ, პოლიციის პროფესიულ დღესთან დაკავშირებით გამართული აღლუმის შემდეგ, სიტყვით გამოსვლისას გაიხსნება და აღნიშნულისთვის ქართველ სამართალდამცველებს მადლობა გადაუხადა.
"2007 წლის ნოემბერში საქართველოს პოლიციიმ სახელმწიფო გადატრიალების შეჩერება მოახრეხა, რომელიც ჩამოშლიდა ქართულ სახელმწიფოებრიობას. რეალურად, თქვენ მოახერხეთ ქართული სახელმწიფოებრიობის გადარჩება თქვენი მოქმდებებით", - მიმართა მიხეილ სააკაშვილმა პოლიციელებს.
მისივე შეფასებით, იმ მასშტაბის აქციებში, როგორიც 7 ნოემბრის მიტინგი იყო, "ისეთი სუფთა მოქმედებები, რომელიც მაშინ ჩვენმა პოლიციელებმა განახორციელეს, სხვა ქვეყნების მაგალითებს თუ შევხედავთ, უკიდურესად იშვიათია".
"შეხედეთ რა ხდება საბერძნეთში, რა მოხდა ბოლო პერიოდში მსოფლიოს სხვადასხვა ქვეყნებში", - განმარტა პრეზიდენტმა.
