საქართველოს ეროვნული ვალუტა ამერიკულ დოლართან და ევროსთან მიმართებაში გამყარებას განაგრძობს. ბოლო ერთი კვირაა ეროვნული ვალუტა რამდენიმე თეთრით გამყარდა. რამდენიმე წუთის წინ ეროვნულმა ბანკმა ახალი გაცვლითი კურსი დაადგინა.
ხვალიდან ერთი ამერიკული დოლარი 2.3827 ლარი იქნება. ერთი ევროს ღირებულება კი 2.6636 ლარი. ბოლო სამი დღის განმავლობაში ეროვნული ბანკის მიერ დადგენილი კურსის მიხედვით ერთი ამერიკული დოლარი 2.3854 ლარი ღირდა, ერთი ევრო კი 2.6645 ლარი.
