რუსთავში იუსტიციის სახლი აშენდება. შესაბამისი პროექტის პრეზენტაცია მთავრობის დღევანდელ გასვლით სხდომაზე გაიმართა.
აღნიშნული პროექტი იუსტიციის სახლის შენობაში ქორწინების სახლისა და ადგილობრივი თვითმმართველობის მომსახურების ცენტრის განთავსებასაც ითვალისწინებს.
როგორც იუსტიციის სამინისტროს სამოქალაქო რეესტრის ხელმძღვანელმა გიორგი ვაშაძემ პროექტის პრეზენტაციისას განაცხადა, ახალ ცენტრში მოქალაქეებს ნებისმიერი სახის დოკუმენტის აღება შეეძლებათ.
