ტაქსით მომსახურეობის სატრანსპორტო კომპანიები ტარიფს ინარჩუნებენ. როგორც „ჯი-ეიჩ-ენს“ თბილისის ტაქსით მომსახურეობის კომპანიებში განუცხადეს, დოლარის კურსის ზრდას მომსახურეობის ღირებულებაზე გავლენა არ მოუხდენია.
"ქალაქშიც და ქალაგარეთაც ტარიფები ისეთივეა, როგორიც აქამდე იყო"- აცხადებენ ტაქსის კომპანიებში.
კომპანეიბის ადმინისტრაციებში განმარტავენ, რომ საწვავზე ფასის ზრდა არ მომხდარა, ხოლო ავტომაქანების ნაწილები ამ დროისთვის მხოლოდ უმნიშვნელოდ არის გაზრდილი, რაც ფასზე გავლენას ვერ მოახდენს.
ტაქსის კომპანიებს ცალკეულ მარშრუტებზე სხვადასხვა ფასები აქვთ დადგენილი, რაც მათ, არსებული კონკურენციის პირობებში, აბსოლუტურად მისაღებად მიაჩნიათ.
რაც შეეხება კერძო ტაქსებს, აქ მომსახურეობის ფასებში გარკვეული ცვლილებების ტენდენციები ზრდის მიმართულებით შეიმჩნევა. მაგალითისთვის, თუ ერთი თვის წინ, მგზავრობა თავისუფლების მოდნიდან დელისამდე 5 ლარი ღირდა, ახლა ტაქსის მძოლების უმეტესობა, იგივე მარშრუტზე, 7 ლარს ითხოვს. ასევეა სხვა მარშრუტებზეც, თუმცა ცალკეულ - მოკლე მიმართულებებზე, ფასები შენარჩუნებულია.
კერძო ტაქსების მძღოლები მომსახურეობაზე ფასების ზრდას, ვალუტის კურსის ცვლილებას და მათი საკრედიტო ვალდებულებების უკავშირებენ.
მძღოლები აცხადებენ რომ სესხების მომსახურეობა 30%-ით გაეზარდათ და იძულებულნი არიან თავადაც გაზარდონ მომსახურეობის ფასები.
