საშუალოვადიან პერიოდში ჩვენ ველოდებით ლარის გამყარებას, - ამის შესახებ ფინანსთა მინისტრმა ნოდარ ხადურმა განაცხადა.
ხადურია განცხადებით, ლარის გაცვლით კურსზე მოქმედი მაკროეკონომიკური ფაქტორები არის სრულიად ამოწურული.
"ლარის გაცვლით კურსზე მოქმედი მაკროეკონომიკური ფაქტორები არის სრულიად ამოწურული. ჩვენ საშუალოვადიან პერიოდში ველოდებით ლარის გამყარებას. ამავე დროს, კიდევ ერთხელ ხაზი გაესვა იმას, რომ არც სახელმწიფო ბიუჯეტის ოპერაციებს და არც რეფინანსირების სესხებს ლარის გაცვლით კურსზე უარყოფითი ზეგავლენა არ მოუხდენია და რაც მთავარი და მნიშვნელოვანია, საქართველოს ფინანსთა სამინისტრო, მთავრობა, საქართველოს ეროვნული ბანკი, შევთანხმდით, რომ ჩვენს ხელთ არსებულ ყველა რესურსს გამოვიყენებთ, რათა არ დავუშვათ მომავალში ასეთი ტიპის ცვლილებები", - განაცხადა ფინანსთა მინისტრმა და დასძინა, "ჩვენ გავაგრძელებთ საერთაშორისო პროგრამებს და მოვიზიდავთ დაფინანსების ალტერნატიულ წყაროებს".
