საფინანსო ზედამხედველობის სააგენტო ხვალიდან აქტიურ მუშაობას შეუდგება. როგორც ცნობილია, ეროვნული ბანკიდან გამოყოფილი უწყება ,,პროგრეს ბანკის” ყოფილმა ხელმძღვანელმა, კოტე სულამანიძემ ჩაიბარა, ხოლო საბჭოს თავმჯდომარე ირაკლი კოვზანაძე გახდა. ახალი უწყების ხელმძღვანელმა პირებმა მათი არჩევის შემდეგ, პარლამენტში ჟურნალისტებთან განაცხადეს, რომ აქტიურ მუშაობას ორშაბათიდან, 21 სექტემბრიდან შეუდგებიან.
როგორც ცნობილია, საფინანსო ზედამხედველობის სააგენტოს მთავარი ამოცანა ქვეყნაში ფინანსური სტაბილურობაა, თუმცა რა ნაბიჯებს გადადგამს ახალი უწყება ეროვნული ვალუტის გაჯანსაღებისათვის, ხელმძღვანელი პირები ამ ეტამზე არ აკონკრეტებენ. მათ განაცხადეს, რომ ეროვნულ ბანკთან კორდინაციასაც გეგმავენ.
"ჩვენ გვაქვს გარდამავალი პერიოდი კანონის მიხედვით, რომლის განმავლობაშიც ყველა ჩვენი პროცედურის გავლა და სააგენტოს სამუშაო მდგომარეობაში გადასვლაა. ეს უპირველეს ყოვლისა გულისხმობს კვალიფიციური კადრებით დაკომპლექტებას, შემდეგ უნდა ჩამოყალიბდეს სააგენტოს ბიუჯეტი, რომელიც ეროვნულ ბანკთან ერთად უნდა შეთანხმდეს. პრაქტიკულად გადმოსაბარებელი არის ყველა ის საქმე, რომელიც ნებისმიერრ ქართულ ბანკთან ან საფინანსო ბაზრის მონაწილესთან დაკავშირებით, რომელიც ეროვნულ ბანკშია". - განაცხადა ირაკლი კოვზანაძემ.
“ლარის დასტაბილურება რეალურად დამოკიდებულია ფინანსური პოლიტიკის სწორი წარმართვით. ამ შემთხვევაში ჩვენ ჩვენი ბერკეტებით რაც ჩვენ გაგვაჩნია, ჩვენი კანონმდებლობის შესაბამის ფარგლებში ვიმოქმედებთ მაქსიმალურად, რომ ამას ხელი შევუწყოთ. არის ბევრი გზა, ბევრი თემა ამ მიმართულბით, თუმცა მთავრია სწორი გზა იყოს არჩეული” – განაცხადა საფინანსო-ზედამხედველობის სააგენტოს უფროსმა კოტე სულამანიძემ.
