სასტუმრო Intourist Palace-მა 70 - მდე თანამშრომელი დაითხოვა
ბათუმში სასტუმრო „ინტურისტიმა“ 70- მდე თანამშრომელი დაითხოვა. გაზეთი ”ბათუმელები” სასტუმროს გაყიდვების მენეჯერის ნათია შარაშიძეძე დაყრდნობით წერს, რომ სასტუმროში რეორგანიზაცია მიმდინარეობს. სასტუმროს პერსონალის ოდენობა მცირდება და შესაბამისად, სასტუმროს ხელმძღვანელობა დათხოვნილი თანამშრომლბის ნაცვლად ახლების აყვანას არ გეგმავს.
„ისინი წინასწარ არ გაგვიფრთხილებია გათავისუფლებაზე, რადგან ხელშეკრულებით იყვნენ აყვანილები და ხელშეკრულება ითვალისწინებდა ამის შესაძლებლობას. რეორგანიზაცია ითვალიწინებს პერსონალის შემცირებას, რაც იმას ნიშნავს რომ მათი ჩანაცვლება არ მოხდება. თუ მომავალში დაგვჭირდება პერსონალის დამატება სასტუმროს ხელმძღვანელობა შესაბამის გადაწყვეტილებას მიიღებს.“ - განუმარტა ნათია შარაშიძემ „ბათუმელებს“.
