ხვალ, 18 სექტემბერს დიდ ბრიტანეთში რაგბის მსოფლიო თასი იწყება. რაგბის კავშირისა და ვითიბი ბანკის ინიციატივით ქართველ გულშემატკივრებს შესაძლებლობა აქვთ,თვალი ადევნოს ჩემპიონატის შეხვედრებს საქომაგო კლუბებიდან, რომელიც თბილისში, ბათუმში და ქუთაისშია იქნება განთავსებული.
"საქართველოს ნაკრების თამაშების დროს, საქომაგო კლუბში მისული გულშემატკივრები მონაწილეობას მიიღებენ დამატებით აქტივობებში და სხვადსხვა კონკურსში. გათამაშდება ბორჯღალოსნების მაისურები, ნაკრების წევრების მიერ ხელმოწერილი რაგბის ბურთები და სხვა პრიზები. გულშემატკივრებს უამრავი სიურპრიზი დახვდებათ და სამახსოვრო საჩუქრები გადაეცემათ", - აცხადებენ "ვითიბი ბანკში".
მათივე ინფორმაციით, თბილისში საქომაგო კლუბები განთავსდება:
ლუდის რესტორანში "ვარშტაინერი"- ცინცაძის (ყოფილი საბურთალოს) ქუჩა #12; კუს ტბაზე - კაფე "კუს ტბა". ქუთაისში: რესტორანი "პალატი" - პუშკინის ქუჩა #1 ბათუმში: რესტორანი "ლიზარრან" -ი, გამსახურდიას ქუჩა #8/10
მსოფლიო თასი 18 სექტემბერიდან 31 ოქტომბრამდე გაგრძელდება, ჯგუფურ ეტაპზე საქართველოს ნაკრები ოთხ შეხვედრას გამართავს:
19 სექტ, შაბათი, - ტონგა - საქართველო 15:00
25 სექტემბერი, პარასკევი, არგენტინა - საქართველო, 19:45
2 ოქტომბერი, პარასკევი, ახალი ზელანდია - საქართველო, 23:00
7 ოქტომბერი, ოთხშაბათი, ნამიბია - საქართველო, 23:00
