TeliaSonera საქართველოდან გადის. ამ დროისათვის უცნობია რა ბედი ელის Geocell-ს და ვინ გახდება მისი ახალი მფლობელი.
სატელეკომუნიკაციო კომპანიის ინფორმაციით, მიღებულია გადაწყვეტილება ევრაზიაში საქმიანობის ეტაპობრივი შეწყვეტის შესახებ და ევროპის რეგიონში, მათ შორის შვედურ ბაზარზე გაძლიერების თაობაზე.
„პროცესი ინიცირებულია ევრაზიის რეგიონში საქმიანობის შემცირების და მისი დატოვებს თაობაზე“, ნათქვამია კომპანიის განცხადებაში.
ევრაზიის რეგიონში TeliaSonera მოიცავს ყოფილი სსრკ-ს - საქართველო, აზერბაიჯანი, ყაზახეთი, უზბეკეთი, მოლდოვა, ტაჯიკეთი - ქვეყნებს და ასევე ნეპალს. რუსეთში კი სადაც TeliaSonera -ს „მეგაფონის“ წილი სტრატეგიაში ცვლილებები არ იგეგმება.
კომპანიის ერთ-ერთი ხელმძღვანელის იოჰან დემელინდის განცხადებით, ბოლო 2 წლის განმავლობაში ევრაზიის რეგიონის კომპანიებში მნიშვნელოვანი სამუშაოები ჩატარდა კორპორატიული და ეთნიკური სტანდარტების გასაუმჯობესებლად. ამაღლდა მართვის დონე და „სხვები შეძლებენ წარმატებულად განავითარონ კომპანიები“.
„ჩვენ გვესმის, რომ ეს იქნება რთული სამუშაო, რომელსაც დრო დასჭირდება. ჩვენ ამ პროცესს განვახორციელებთ ყველა ბაზარზე ნაბიჯ-ნაბიჯ, რადგანაც თითოეულ ქვეყანაში და კომპანიაში არის თავისებურად უნიკალური ვითარება, მაგრამ ჩვენი ამოცანაა საბოლოოდ, სრულად დავტოვოთ რეგიონი“- განაცხადა დემელინდიმ.
