უკრაინამ რუსეთს ახალი სანქციები დაუწესა. შესაბამის განკარგულებას ხელი პრეზიდენტმა პოროშენკომ მოაწერა. კიევის ახალ შავ სიაში 400-მდე ფიზიკური და 100-ზე მეტი იურიდიული პირი შევიდა. პერსონა ნონ გრატად გამოცხადდა რუსეთის თავდაცვის მინისტრი სერგეი შოიგუ, გენერალური შტაბის მეთაური ვალერი გერასიმოვი, ასევე, სახელმწიფო დუმის სპიკერი სერგეი ნარიშკინი და სხვა ოფიციალური პირები. უკრაინის ლიდერის განცხადებით, სანქციები კიევმა ევროკავშირთან, შეერთებულ შტატებსა და სხვა პარტნიორ ქვეყნებთან შეათანხმა, რომლებიც ყი რიმის ანექსიასა და დონბასის ოკუპაციას არასდროს აღიარებენ.
