საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი ირანის ისლამური რესპუბლიკის საგანგებო და სრულუფლებიან ელჩს საქართველოში აბას თალებიფარს შეხვდა.
შეხვედრაზე ყურადღება გამახვილდა საქართველოსა და ირანს შორის სავაჭრო-ეკონომიკურ ურთიერთობებსა და სამომავლო თანამშრომლობის პერსპექტივებზე.
ეკონომიკისა და მდგრადი განვითარების მინისტრმა დიმიტრი ქუმსიშვილმა სტუმარს გააცნო საქართველოში არსებული ეკონომიკური მდგომარეობა, ქვეყნის საინვესტიციო პოტენციალი და მსხვილი საინვესტიციო პროექტები.
