ბათუმში 10 მლნ დოლარის ღირებულების ინვესტიცია განხორციელდება. აჭარის მთავრობის ინფორმაციით, მთავრობის თავმჯდომარე არჩილ ხაბაძე და აჭარის ფინანსთა და ეკონომიკის მინისტრი დავით ბალაძე დღეს კაზინოების საერთაშორისო ქსელის „XO“-ს წარმომადგენლებს შეხვდნენ. კომოპანია „XO“ ახალ ბულვარში მშენებარე სასტუმრო-აპარტამენტების ”მეტრო სითის” ტერიტორიაზე კაზინოს ააშენებს. ახალ პროექტში 500-ზე მეტი ადამიანი დასაქმდება.
კაზინო ”მეტრო სითის” ტერიტორიაზე 2800 კვ. მეტრზე განთავსდება. კაზინოს მშენებლობა წელს დაიწყება და 2016 წელს დასრულდება. კომპანიასთან საიჯარო ხელშეკრულება 15 წლიანი იქნება. კაზინოების ქსელი „XO“ და კომპანია მეტრო ატლას ჯორჯია ხელშეკრულებას უახლოეს პერიოდში გააფორმებენ.
