მეორე კვარტალში შიდა ტურიტების რაოდენობა და დანახარჯები შემცირდა. ოფიციალური სტატისტიკით, 2015 წლის აპრილ–ივნისში საქართველოში შიდა ტურისტების საშუალო თვიურმა რაოდენობამ (15 წლის და უფროსი ასაკის) 841 700 კაცი შეადგინა, რაც 110 300 კაცით ნაკლებია შარშან ამავე პერიოდის ანალოგიურ მაჩვენებელზე.
რაც შეეხება ხარჯებს, ის წლიურ ჭრილში, 26%–ით არის შემცირებული. საშუალო თვიური ხარჯი 126,6 მლნ ლარი იყო, 2014 წლის აპრილ–ივნისში ეს მაჩვენებელი იყო172,6 მილიონს შეადგენდა.
ვიზიტებით ძალიან კმაყოფილია გამოკითხულთა 25,8%, კმაყოფილია – 52,4%, არც კმაყოფილი და არც უკმაყოფილო – 15,6%. ძალიან უკმაყოფილოთა რაოდენობამ 1,1% შეადგინა.
აღსანიშნავია, რომ შიდა ტურიზმის დროს, ყველაზე მეტი ვიზიტი მეგობრებისა და ნათესავების მონახულების მიზნით განხორციელდა, რაც მთლიანი ვიზიტების (1,03 მლნ) 54,6%–ია.
