საქართველოში 2015 წლის მეორე კვარტალში პირდაპირი უცხოური ინვესტიციების ზრდასთან დაკავშირებით ეკონომიკისა და მდგრადი განვითარების მინისტრის მოადგილემ, ირმა ქავთარაძემ ბრიფინგი გამართა. როგორც ჟურნალისტებთან საუბარში ირმა ქავთარაძემ აღნიშნა, წინასწარი მონაცემებით, საქართველოში 2015 წლის II კვარტალშიგანხორციელდა 354.7 მლნ.აშშ დოლარის პირდაპირიუცხოური ინვესტიცია, რაც ყველაზე მაღალი მაჩვენებელია 2008 წლის შემდეგ და თითქმის 82 %-ით აღემატება 2014 წლის ანალოგიურ მაჩვენებელს. მისივე თქმით, ეს მაჩვენებელი ასევე 70.6%-ითაღემატება 2013 წლის მაჩვენებელს და 60%-ით - წინა წლის მაჩვენებელს.
„სექტორების მიხედვით, საქართველოში განხორციელებული პირდაპირი უცხოური ინვესტიციების ყველაზე დიდი წილი ტრანსპორტზე და კავშირგაბმულობაზე მოდის, სადაც 207.4 მლნ აშშ დოლარის მოცულობის ინვესტიცია განხორციელდა, რაც მთლიანი ინვესტიციების რაოდენობის 58.5%-ს შეადგენს. მას მოჰყვება საფინანსო სექტორი - 41.4 მლნ აშშ დოლარით (მთლიანი ინვესტიციების 11.7%), შემდეგ დამამუშავებელი მრეწველობა - 29.5 მლნ აშშ დოლარი (მთლიანი ინვესტიციების 8.3%), უძრავი ქონება – 19.6 მლნ აშშ დოლარი(მთლიანი ინვესტიციის 5.5%) და ასე შემდეგ“ - აღნიშნა ირმა ქავთარაძემ.
მინისტრის მოადგილის განცხადებით, 2015 წლის II კვარტალში, 2014 წლის II კვარტალთან შედარებით, პირდაპირი უცხოური ინვესტიციების ზრდის ყველაზე მაღალი ტემპი უძრავი ქონების სექტორში დაფიქსირდა - ზრდის ტემპმა 264.1%შეადგინა. მას მოყვებატრანსპორტის და კავშირგაბმულობის სექტორი, სადაც ზრდა არის 83.7%, თუმცა,ყველაზე დიდი ოდენობით ინვესტიცია განხორციელდა ტრანსპორტისა და კავშირგაბმულობის სექტორში.
„ასევე კარგი მონაცემებია 2015 წლის 6 თვის ჯამური მდგომარეობით, რაც მოიცავს პირველ და მეორე კვარტალს. კერძოდ, 2015 წლის 6 თვის მონაცემების მიხედვით, საქართველოში განხორციელებული ინვესტიციების რაოდენობამ ნახევარ მილიარდ დოლარს გადააჭარბა და შეადგინა 530 მლნ აშშ დოლარი, რაც ასევე ყველაზე მაღალი მაჩვენებელი გახლავთ 2008 წლის შემდეგ“ - განაცხადა ირმა ქავთარაძემ. მისივე ინფორმაციით, ამ პერიოდში, სექტორების მიხედვით, ყველაზე დიდი მოცულობის ინვესტიცია ტრანსპორტსა და კავშირგაბმულობაში განხორციელდა, რომელმაც მთლიანი ინვესტიციების 66,7% (353,7 მლნ აშშ დოლარი)შეადგინა. შემდეგ მოდის საფინანსო სექტორი, მშენებლობა, ენერგეტიკა, უძრავი ქონება, სოფლის მეურნეობის სექტორები და ა.შ.
„აღსანიშნავია, რომ განხორციელებული ინვესტიციები, რა თქმა უნდა, დადებითად აისახება საქართველოს ეკონომიკაზე. დასაქმება ბიზნეს-სექტორში, 2015 წლის მე-2 კვარტლის მდგომარეობით, თითქმის 61 ათასით არის გაზრდილი. ეს გახლავთ 12%-იანი ზრდა წინა წლის ანალოგიურ პერიოდთან შედარებით. ასევე გაზრდილიაბიზნეს-სექტორის ბრუნვა 16%-ით (მილიარდ რვაასი მილიონი ლარი), ბიზნეს-სექტორის გამოშვება გაზრდილია 22,5%-ით, (მილიარდ სამასი მილიონი ლარი), ხოლო ხელფასი ბიზნეს-სექტორში გაზრდილია 10%-ით და შეადგენს 942 ლარზე მეტს“- აღნიშნა ირმა ქავთარაძემ.
