,,საქართველოს სახელმწიფო ჰიდროგრაფიული სამსახურმა“ ბათუმის პორტის წინა სახაზე ნიშანზე, სპეცდანიშნულების ახალი სანავიგაციო-დიოდური მანათობელი ფარანი დაამონტაჟა.
უწყების ინფორმაციით, მრავალფუნქციური, სამფერა სექტორული (LED) დიოდური მანათობელი ფარანი თავისი ტექნიკური მახასიათებლებით (მაქსიმალური დენის ძალა 3W/LED, მაქსიმალური ენერგო მოხმარება 20 W, მაქსიმალური ძაბვა 10 – 35 V, სექტორული ფერები წითელი ( 84 °), მწვანე (27°), თეთრი (129°) ტემპერატურული ზღვარი (-30° დან -70 ° მდე) , LED ნათურები 2 წითელი, 2 მწვანე , 2 თეთრი, მაღალი მდგრადობის 300 მმ ლინზა, გამოკრთომის სიშორე 12 საზღვაო მილი) სრულად შეესაბამება IALA-ს (შუქურების ორგანიზაციის საერთაშორისო ასოციაცია) სტანდარტების მოთხოვნებს.
აღნიშნული სანავიგაციო ნიშანი აღჭურვილია SOLAR სისტემითა და GPS სინქრონიზაციის რეჟიმით. ფარნის ოპტიკური სისტემა აღჭურვილია მდგრადი ლინზით, რომელიც მაღალი სიზუსტით ახდენს ნათების ეფეტურ სექტორიზაციას, რაც დღე-ღამის ნებისმიერ დროს უმარტივებს მეზღვაურებს ნაოსნობას.
აღსანიშნავია, რომ ძველი მანათობელი ფარანი დღის განათების ლამპიონების ნათებისა და ღამის საათებში შენობების ილუმინაციის გამო იჩრდილებოდა, რაც იწვევდა საორიენტაციო მანათობლის ცუდ ხილვადობას, რის გამო საფრთხე ექმნებოდა ბათუმის პორტში შემავალ გემებს.
ამჯერად აღნიშნული პრობლემა აღმოფხვრილია.
