ბათუმში ”მეტრო სითის“ მშენებლობა 2016 წლის სექტემბერში დასრულდება.
100 მლნ დოლარის ღირებულების პროექტის განხორციელება, კომპანია „მეტრო ატლას ჯორჯიამ” ბათუმის ახალ ბულვარში მიმდინარე წლის თებერვალში დაიწყო. როგორც აჭარის სავაჭრო-სამრეწველო პალატაში განმარტავენ, კომპლექსი ორ ხუთ ვარსკლავიან სასტუმროს, კერძო სკოლას, რეზიდენციებს აუზებით, დახურულ და ღია პანორამულ რესტორნებს მოიცავს. კომპლექსში წარმოდგენილი იქნება ასევე, 100 ბრენდული მაღაზია, სპორტკლუბი, კონოთეატრები, ბოულინგ ცენტრი, სათამაშო მოედანი ბავშვებისათვის.
პროექტი გააერთიანებს ასევე, ოქროს ქვიშისგან დამზადებულ დახურულ სანაპიროს, იახტ კლუბსა და ამიერკავკასიაში ყველაზე დიდ - 1500 კაციანი საკონფერენციო დარბაზს.
