ეროვნული ბანკის პრეზიდენტის გიორგი ქადაგიძიე მოქალაქეებს ურჩევს ბანკებს საკრედიტო ხელშეკრულებების რესტრუქტურიზაცია მოსთხოვონ. როგორც მან დღეს ჟურნალისტებტან განაცხადა, ბანკებმა მოქალაქეებს, რომელთაც სესხის მომსახურება უჭირთ, რესტრუქტურიზაციის სანაცვლოდ გაზრდილი პროცენტი და დამატებითი საურავი არ უნდა დააკისრონ.
„ჩვენმა მოქალაქეებმა, ვისთვისაც ეს გარკვეულ პრობლემად იქცა, უნდა მიაკითხონ საკუთარ ბანკებს და მათ მოსთხოვონ რესტრუქტურიზაციები საკრედიტო ხელშეკრულებების. ხოლო მეორე მხრივ, ბანკებმა უნდა გამოიჩინონ მაქსიმალური მოქნილობა და არავითარ შემთხვევაში არ უნდა დააკისრონ არც გაზრდილი პროცენტი, არც არანაირი დამატებითი საურავები რესტრუქტურიზაციის სანაცვლოდ. მით უმეტეს, მიუღებელია მუქარა ე.წ. შავ სიაში მოხვედრით და ა.შ.“, - განაცხადა გიორგი ქადაგიძემ.
