ავიაკომპანია Georgian Airways-ი ახალი მიმართულებებით რეგულარული რეისების განხორციელებას იწყებს. სამოქალაქო ავიაციის სააგენტოს ინფორმაციით, წარმოდგენილი განრიგის შესაბამისად, 2015 წლის 17 სექტემბრიდან, Georgian Airways-ი თბილისიდან-ბაჰრეინის მიმართულებით კვირაში ერთი სიხშირით, ხოლო 28 სექტემბრიდან თბილისი-ნაჯაფის მიმართულებით ასევე ერთი სიხშირით, იფრენს.
ასევე, Georgian Airways-ი ზრდის ფრენის სიხშირეებს ბაღდადის მიმართულებით. უკვე ცნობილია, რომ თბილისის საერთაშორისო აეროპორტიდან ერაყის დედაქალაქის მიმართულებით ფრენა ერთის ნაცვლად, კვირაში ორჯერ განხორციელდება.
