ეროვნული ვალუტის არასტაბილურობის გამო, სახელმწიფო ტენდერებში მონაწილე კომპანიებს ფინანსური პრობლემები შეექმნათ. გადასახადის გადამხდელთა კავშირის ინფორმაციით, არასტაბილური ლარი, რომელიც პერმანენტულად უფასურდება, რთულ სიტუაციაში აგდებს იმ
კომპანიებს, რომლებმაც გაიმარჯვეს ტენდერებში და აიღეს ვალდებულებები სახელმწიფოს წინაშე. ვინაიდან ხელშეკრულების თანხა ლარში ფიქსირდება, კურსის ცვლილებით მიღებული ზარალი ზოგიერთ კომპანიას გაკოტრების, ხოლო სახელმწიფო ტენდერებს კი ჩაშლის საფრთხის წინაშე აყენებს.
გადასახადის გადამხდელთა კავშირი ხელისუფლებას მოუწოდებს ყველა აუცილებელი ღონისძიება გაატაროს და სახელმწიფო ტენდერების სამართლიან და კონკურენტულ გარემოში ჩატარება უზრუნველყოს.
”კომპანიების ნაწილი, ლარის არაპროგნოზირებადი კურსის გამო, თავს იკავებს მიმდინარე ტენდერებში მონაწილეობისგან, რაც ამცირებს კონკურენციას სახელმწიფო შესყიდვების განხორციელების პროცესში.
ჩვენი გათვლებით, ტენდერებში მონაწილეთა რაოდენობა წინა წლებთან შედარებით 11 %-ით არის შემცირებული.
ამიტომ, მოვუწოდებთ ხელისუფლებას გაატაროს ყველა აუცილებელი ღონისძიება, რათა ხელი არ შეეშალოს სახელმწიფო ტენდერების სამართლიან და კონკურენტულ გარემოში ჩატარებას.
„გადასახადის გადამხდელთა კავშირის“ აზრით, სასწრაფოდ უნდა მოხდეს არსებული სიტუაციის ანალიზი და ხელშეკრულებებში უნდა ჩაიდოს სავალუტო რისკების შემცირების მექანიზმები ყოველგვარი ლიმიტის გარეშე”, აცხადებენ გადასახადის გადამხდელთა კავშირი
.
