ეკონომიკის ახალი მინისტრი დიმიტრი ქუმსიშვილი საქართველოს დიპლომატიური წარმომადგენლობების ხელმძღვანელთა ყოველწლიურ შეხვედრას ესწრება. მინისტრმა ჟურნალისტებთან საუბრისას ელჩებს მოუწოდა დაეხმარონ უცხოური ინვესტიციების მოზიდვაში.
"ეს არის შესაძლებლობა, როდესაც ვაცნობთ ჩვენს ელჩებს იმ ეკონომიკურ კურსს რაც ქვეყანაშია, ასევე იმ საინვესტიციო პოტენციალს და ახალ პროექტებს, რომელზეც ქვეყნის ხელისუფლება მუშაობს. ვთხოვთ ჩვენს ელჩებს, რომ მაქსიმალურად გვერდში დაგვიდგნენ და მოგვეხმარონ პირდაპირი უცხოური ინვესტიციების მოზიდვაში და საზღვარგარეთ ჩვენი ქვეყნის პოპულარიზაციისთვის,"-განაცხადა ქუმსიშვილმა.
შეგახსენებთ, რომ თბილისში საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეხვედრა - ამბასადორიალი-2015 იმართება.
