2015 -2016 წლებში საქართველოში 80-ზე მეტი სასტუმრო გაიხსნება. როგორც ”ჯი-ეიჩ-ენს” ტურიზმის ეროვნულ ადმინისტრაციაში განუცხადეს, თბილისში 2016 წელს დაემატება სასტუმრო ”ინტერკონტინენტალი”, ”ჰილტონი გარდენ ინნ”, ”მილენიუმი”, ”რიქსოსი”, ”Hotels and Preference” და ” Art Hotel”- ი. ზემოთ აღნიშნული სასტუმროების მშენებლობა 2014-2015 წლებში დაიწყო.
გარდა ამისა 2016 წელს გუდაურში კიდევ ერთი ბრენდი ”შერატონი” შევა. ბორჯომში კი დამსვენებლებს რამდენიმე თვეში სასტუმრო ”კრონ პლაზა ბორჯომში” ექნებათ განთავსების შესაძლებლობა. ასევე წლის ბოლომდე ბათუმში დასრულდება მაღალი კლასის Babylon Tower მშენებლობა.
ტურიზმის ადმინისტრაციაში განმარტავენ, რომ სასტუმროების რაოდენობის ზრდა, ონვესტიციების შემოდინება კონკურენტული გარემოს შექმნას და საფასო პოლიტიკის დარეგულირებას შეუწყობს ხელს.
