თავისუფალი უნივერსიტეტი ისევ პირველია, აგრარული კვლავ დაწინაურდა!
ერთიან ეროვნულ გამოცდების შედეგების მიხედვით თავისუფალი უნივერსიტეტი ისევ საუკეთესო და მაღალქულიანი აბიტურიენტებისთვის ყველაზე სასურველი უმაღლესი სასწავლებელია.
უნივერსიტეტის ადმინისტრაციის ინფორმაციით, 10 საუკეთესო აბიტურიენტიდან 8 თავისუფალი უნივერსიტეტის სტუდენტია!
ამასთან, საქართველოს სახელით საერთაშორისო ოლიმპიადაში მონაწილე 15 აბიტურიენტიდან 12-მა თავისუფალ უნივერსიტეტი აირჩია.
„აგრარულმა უნივერსიტეტმა, რომელიც 4 წლის წინ (კახა ბენდუქიძემდე) 30-ეულს მიღმა იყო შარშანდელი შედეგიც გააუმჯობესა და წელს საქართველოს მასშტაბით მეოთხეა.
ეს იყო ყველაზე რთული, გამოწვევებით სავსე წელი, თუმცა უნივერსიტეტებმა ეს შეძლეს!
პირველკურსელებო, მადლობას გიხდით ნდობისთვის და გილოცავთ - თქვენ საუკეთესო უნივერსიტეტებში მოხვდით!“, - ნათქვამია ინივერსიტეტის მიერ გავრცელებულ ინფორმაციაში.
