"ქრისტიან-დემოკრატები" აცხადებენ, რომ გიგი უგულავას დამარცხება მხოლოდ იმ კანდიდატს შეუძლია, ვისაც გია ჭანტურის გეგმების მსგავსი გეგმები გააჩნია. ამის შესახებ განცხადება "ქრისტიან-დემოკრატების" წარმომადგენელმა ლევან ვეფხვაძემ დღეს ჟურნალისტებთან საუბრისას "ალიანსის" შეთავაზებს საპასუხოდ გააკეთა.
საუბარია ალიანსის იმ შეთავაზებაზე, რომლის თანახმად, ალიანსი საკრებულოს თავმჯდომარეობაზე "ქრისტიან-დემოკრატების" კანდიდატს დაუჭერს მხარს, თუ ""ქრისტიან-დემოკრატები ალიანსის მერობის კანდიდატს დაუჭერენ მხარს.
"ქრისტიან დემოკრატები" აცხადებენ, რომ აუცილებელია სწორედ იმ გეგმის გარშემო კონსოლიდაცია, რომელიც გია ჭანტურიას აქვს. წინააღმდეგ შემთხვევაში კი მიიჩნევენ რომ უგულავას დამარცხება იქნება შეუძლებელი და არანაირ შეთანხმებას არ ექნება აზრი.
"ვერ ვხედავ სხვა კანდიდატს, რომელსაც ჭანტურიას მსგავსი გეგმა აქვს და რომელსაც უგულავას დამაცხება ერთი ერთზე შეუძლია", - აცახდებს ვეფხვაძე და იმედოვნებს, რომ თუ ოპოზიციას რეალურად სურს უგულავას დამარცხება, მაშინ კონსოლიდაცია სწორედ ჭანტურიას გარშემო მოხდება.
