4 სექტემბრიდან, თურქული ავიაკომპანია „BORAJET Airlines“ პირდაპირ რეგულარულ საჰაერო მიმოსვლას შეასრულებს სტამბული-ბათუმი-სტამბულის მიმართულებით. რეისები კვირაში 3 სიხშირით Embraer E190 ტიპის საჰაერო ხომალდით განხორციელდება.
საქართველოს ეკონომიკისა და მდრგადი განვითარების სამინისტროს სამოქალაქო ავიაციის სააგენტოს მიერ შესაბამისი ნებართვა უკვე გაიცა.
აღსანიშნავია, რომ „BORAJET Airlines“ წარმოადგენს სტამბულში ბაზირებულ რეგიონალურ ავიაკომპანიას, რომელიც ძირითადად ასრულებს ადგილობრივ რეისებს თურქეთის მსხვილ ქალაქებს შორის, აგრეთვე სეზონურ ფრენებს მსოფლიოს წამყვანი საკურორტო ქალაქების მიმართულებით.
