უხვი ნალექის გამო 25 აგვისტოს ბათუმში დაიტბორა რამდენიმე ქუჩა. აჭარის მთავრობის ინფორმაციით, გვიან ღამით გართულებული იყო ავტოსატრასპორტო საშუალებების გადაადგილება ბათუმი ქობულეთის მიმართულებით. დილით მოძრაობა უკვე აღდგენილი იყო. ამ დროისათვის არსებული მონაცემებით აჭარაში უნალექო ამინდია. გუშინ მთელი ღამის განმავლობაში მიმდინარეობდა სამაშველო სამუშაოები.
საგანგებო სიტუაცების სამსახურში დაფიქსირებულია 300-მდე გამოძახება. ძირითადად გამოძახება დაფიქსირებულია ქუჩების დატბორვის და საცხოვრებელ სახლების პირველი სართულებზე წყლის ამოტუმბვის მოთხოვნით.
”მოსული უხვი ნალექის შედეგად დაიტბორა ე.წ. ჭაობის დასახლება, პუშკინის ენგელსის, ჯავახიშვილის, ბაგრატიონის, ჭავჭავაძის, ურეხის დასახლების ცალკეული მისამართები. ასევე დატბორილია შავშეთის დადიანის, გოგიტიძის ბესიკის, სულაბერიძის, შაფათავას გრიბოედოვისა და ფარნავაზ მეფის, ბონი გარადოკის დასახლება, ლერმონტოვის, ორბელიანის, რუსთაველის, გორგილაძის ქუჩის ცაკლეული მისამართები. მიმდინარეობს საცხოვრებელი სახლების სარდაფებიდან წყლის ამოტუბვის სამუშაოები.
ამჟამად შეუზღუდავად გადაადგილდება ავტოსატრანსპორტო საშუალებები ქალაქის ყველა ქუჩაში.
ცალკეულ მისამართებზე ავარული სიტუაციის გამო ამ მომენტისათვის ელექტროენერგია ბათუმში არ მიეწოდება მხოლოდ 80 აბონენტს, ქობულეთში 6-, ზემო აჭარაში-250. მიმდინარეობს აღდგენითი სამუშაოები და უახლოეს პერიოდში შუქი მიეწოდება ყველა აბონენტს.
არ შეფერხებულა სასმელი წყლის მიწოდება.
ქალაქზე შემოერთებულ ტერიტორიებზე რამოდენიმე ადგილზე განვითარდა მეწყერული პროცესები სოფლის გზებზე. ცენტრალური გზებზე სანდასუფთავების სამსახურის თანამშრომლები მუშაობენ.
ღამით განხორციელდა 63 მისამართზე წყლის ამოტუმბვა. ასევე სევასტოპოლის, პუშკინის, გორგასლის, რუსთაველის, აღმაშენებლისა და ბავშვთა სავადმყოფოს ტერიტორიებზე ჩარჩენილი მანქანების გამოყვანა. დღეს დილიდან ამ დრომდე იწმინდება სარდაფების ამოწმენდა. ამ დროისათვის არსებული მონაცემებით უკვე ამოტუმბვა განხორციელდა 40 მისამართზე. და მიმდინარეობს პერიოდულად შემოსული ზარებზე რეაგირება”, აცხადებენ აჭარის მთავრობაში.
მთელი ღამის განმავლობაში მობილიზებული იყო ქ. ბათუმის მერიის და აჭარის ა/რ მთავრობის ყველა შესაბამისი სამსახური და ამ ეტაპისათვისაც მიმდინარეობს სტიქიის სალიკვიდაციო ღონისძიებები, დაზარალებული ოჯახების აღწერა და მიყენებული ზიანის დათვლა.
