"ალიანსი საქართველოსთვის" ლიდერი და თბილისის მერობის კანდიდატი ირაკლი ალასანია, სოდ-ის ძველი ხელმძღვანელის ერეკლე კოდუას, პრობაციის სამსახურის ყოფილი თავმჯდომარის და ცენტრალური საარცევნო კომისიის ყოფილი ტავმჯდომარის ლევან თარხნიშვილის სისხლის სამართლის პასუხისმგებლობის საკითხის დაყენებას ითხოვს.
ალასანიას განცხადებით, ვაკის მაჟორიტარულ ოლქში წინა საპარლამენტო არჩევნებზე 1600-მდე პრობაციონერი, მსჯავრდებული და მათი ოჯახის წევრები მუქარით აიძულეს, საპარლამენტო არჩევნებში "ნაციონალური მოძრაობისთვის" დაეჭირა მხარი. ამის შესახებ ალასანიამ დღეს, "ალიანსის" ოფისში გამართულ ბრიფინგზე განაცხადა.
ალასანია ტელეკომპანია "კავკასიის" ეთერში გასულ ნანა ლეჟავას მიერ მომზადებულ გადაცემას გამოეხმაუარა. "ალიანსის" ლიდერის განცხადებით, ამ გადაცემიდან კარგად ჩანს, თუ როგორ ართმევს საქართველოს ხელისუფლება პრობაციონერებისა და პატიმრობაში მყოფი ადამიანების ოჯახის წევრებს არჩევანის გაკეთების უფლებას.
"ტელეკომპანია "კავკასიის" ეთერში გავიდა ჟურნალისტ ნანა ლეჟავას მიერ მომზადებული გადაცემა, რომელიც წარმოადგენს კიდევ ერთ დადასტურებას იმისა, თუ როგორ ართმევს ხელისუფლება ჩვენს მოქალაქეებს, კერძოდ პრობაციონერების თუ პატიმრობაში მყოფი ადამიანების ოჯახის წევრებს ფუნდამენტურ უფლებას - არჩევანის გაკეთების უფლებას", - განაცხადა ალასნიამ.
"ალიანსის" ლიდერის თქმით, აღნიშნული გადაცემიდან ერეკლე კოდუასა და ლევან თარხნიშვილის სისხლის სამართლის დანაშაული იკვეთება.
"სახეზეა შს და იუსტიციის სამინისტროთა ხელმძღვანელობისა და სხვა ხელმძღვანელი პირების, კერძოდ სპეციალური ოპერატიული დეპარტამენტის ყოფილი ხელმძღვანელის და ამჟამად კრიმინალური პოლიციის დეპარტამენტის ხელმძღვანელის ერეკლე კოდუას, პრობაციის სამსახურის იმჟამინდელი თავმჯდომარის ლევან თარხნიშვილის მიერ სისხლის სამართლის დანაშაულისა და სამსახურეობრივი უფლებამოსილებების ბოროტად გამოყენების უტყუარი ფაქტები", - აღნიშნა ალასანიამ.
"ალიანსი" მიმართავს მთავარ პროკურატურას რათა დაუყოვნებლი დაიწყოს გამოძიება აღნიშნულ ფაქტებთან დაკავშირებით. ასევე, "ალიანსი" თხოვნით მიმართავს საერთაშორისო თანამეგობრობას, დროულად მოახდინოს რეაგირება, რათა აღიკვეთოს პოლიციური სტრუქტურების დანაშაულებრივი ჩარევა წინასაარჩევნო პროცესებში და 30 მაისს არ მოხდეს არჩევნების შედეგების გაყალბება.
"ვაფრთიხილებთ ხელისუფლებას, რომ მათი პასუხისმგებლობაა იმ ადამიანების უსაფრთხოების უზრუნველყოფა, ვინც სააშკარაოზე გამოიტანა 2008 წლის 21 მაისის საპარლამენტო არჩევნების გაყალბების ერთ-ერთი სქემა", - განაცხადა ალასანიამ.
