საქართველოს ენერგეტიკის მინისტრის მოადგილის მარიამ ვალიშვილის განცხადებით, შაჰდენიზის გაზსადენზე თურქეთში მომხდარ აფეთქებას საქართველოში გაზის მიღებისას შეფერხება არ მოჰყოლია.
” სამწუხაროა, რომ აფეთქებები მაგისტრალურ მილსადენზე ასე ძალიან გახშირდა. 4 აგვისტოსაც ვიცით, რომ მოხდა ეს აფეთქება. მინდა გითხრათ, რომ ჩვენ შეფერხება არ გვქონია. ამ დროს უკვე შაჰდენის მილსადენი არის ექპლუატაციაში და არანაირი პრობლემა ამ მილსადენს არ ემუქრება, იმიტომ, რომ ჩვენ შეუფერხებლად ვიღებთ მილსადენით გაზს აზერბაიჯანიდან”, _ აცხადებს მარიამ ვალიშვილი.
შეგახსენებთ, რომ შაჰდენიზის გაზსადენზე თურქეთში აფეთქების შედეგად აზერბაიჯანიდან თურქეთში ბუნებრივი აირის მიწოდება შეფერხდა. ინფორმაციას ”როიტერი” ავრცელებს. სააგენტოს ცნობით, აფეთქება ქურთმა მებრძოლებმა განახორციელეს.
