თურქეთის უმსხვილესი ავიაგადამზიდავის Turkish Airlines-ის სუფთა მოგება, 2015 წლის პირველ ნახევარში, 6-ჯერ, 360,4 მლბ დოლარამდე გაიზარდა. ეს იმ ფონზე, როდესაც 2014 წლის პირველ ნახევარში კომპანიის მოგება 59,5 მლნ დოლარი იყო. როგორც კომპანიაში განმარტავენ, ამ წარმატების მიზეზი ვალის სტრუქტურის დივერსიფიკაცია და რისკების მართვის დინამიური მართვის სტრატეგიის ამოქმედება გახდა
აღსანიშნავია, რომ 2015 წლის პირველ ნახევარში კომპანიის გაყიდვები 9,2 %-ით გაიზარდა.
2015 წლის იანვარ-ივნისში Turkish Airlines-ი სულ 28,5მლნ მგზავრს მოემსახურა.
შეგახსენებთ, რომ Turkish Airlines-ი 50 შიდა და 110 ქვეყნის მიმართულებით, 320 საერთაშორისო რეისზე მუშაობს. ავიაკომპანიის ფლოტი, მსოფლიოს მასშტაბით ყველაზე ახალგაზრდაა. Turkish Airlines-ის ავიაპარკი 290 თვითმფრინავს მოიცავს.
