Booking.com-ზე თბილისში მდებარე განთავსების ობიექტებიდან ყველაზე მაღალი შეფასება, ანუ 10-დან 9,8  ქულის მფლობელი ორ ობიექტია: Apartment Eliso და Pushkin 10 Hostel.

თბილისში მდებარე 5 ვარსკვლავიანი სასტუმროებიდან ყველაზე მაღალი, ანუ 8,9 ქულიანი შეფასება ახლადგახსნილ სასტუმრო Hotels & Preference Hualing Tbilisi-ს აქვს. ოთხ ვარსკვლავიან სეგმენტში, Booking.com-ის მიხედვით, ყველაზე მაღალი შეფასება ასევე, ახლადგახსნილ  Citrus Hotel-ს გააჩნია. როგორც ირკვევა, Booking.com-ის მომხმარებლებმა მას 9,3 ქულა მიანიჭეს.
აღსანიშნავია, Booking-ზე გამოხმაურება შეუძლია დატოვოს მხოლოდ იმ სტუმარმა, რომელმაც დაჯავშნა მოახდინა Booking.com-ის მეშვეობით და იცხოვრა დაჯავშნულ სასუმროში. ამ წესის მიხედვით, Booking.com-ის ადმინისტრაცია აცხადებს, რომ შეფასებას აკეთებს მხოლოდ ის კონკრეტული პიროვნება, რომელმაც იცხოვრა კონკრეტულ სასტუმროში და გამორიცხულია ყოველგვარი ფალსიფიცირება.

სტუმრებს შესაძლებლობა აქვთ, გამოთქვან თავიანთი მოსაზრებები სერვისთან, მომსახურე პერსონალთან დაკავშირებით. და ასევე გამოხატონ საკუთარი დამოკიდებულება სასტუმროში გატარებულ დღეებზე.