Booking.com-ზე ბათუმში მდებარე განთავსების ობიექტებიდან ყველაზე მაღალი შეფასება, ანუ 9,8 ქულა მხოლოდ ერთ ობიექტს Private Appartement-ს გააჩნია.
Booking.com-ის მიხედვით ირკვევა, რომ ბათუმში ხუთვარსკვლავიანი სასტუმროების სეგმენტში შეფასება 9+ მხოლოდ ერთ სასტუმროს გააჩნია.
როგორც ჩანს, Booking.com-ის მომხმარებლებიდან ყველაზე მეტად კმაყოფილი მაღალი კლასის სასტუმროებიდან  Divan Suites Batumi-ს მომსახურებით დარჩნენ და სწორედ ამიტომ მიიღო სასტუმრომ 9,0 ქულიანი შეფასება.
რაც შეეხება ოთხ ვარსკვლავიანი სასტუმროების სეგმენტს - აქ ლიდერი სასტუმრო Batumi World Palace-ია, რომელმაც Booking.com-ის შეფასებით 8,9 ქულიანი შეფასება დაიმსახურა.
აღსანიშნავია, Booking-ზე გამოხმაურება შეუძლია დატოვოს მხოლოდ იმ სტუმარმა, რომელმაც დაჯავშნა მოახდინა Booking.com-ის მეშვეობით და იცხოვრა დაჯავშნულ სასუმროში. ამ წესის მიხედვით, Booking.com-ის ადმინისტრაცია აცხადებს, რომ შეფასებას აკეთებს მხოლოდ ის კონკრეტული პიროვნება, რომელმაც იცხოვრა კონკრეტულ სასტუმროში და გამორიცხულია შეფასების ყოველგვარი ფალსიფიცირება.

სტუმრებს შესაძლებლობა აქვთ, გამოთქვან თავიანთი მოსაზრებები სერვისთან, მომსახურე პერსონალთან დაკავშირებით. ასევე, გამოხატონ საკუთარი დამოკიდებულება სასტუმროში გატარებულ დღეებზე.