სანატორიუმი ''მეშახტე'' ”ქეი ბი ფი თბილისის” საკუთრება გახდა. საქართველოს მთავრობის №1589 განკარგულებიდან ირკვევა, რომ მთავრობამ ინვესტორს წყალტუბოში მდებარე სანატორიული პირდაპირი მიყიდვის ფორმით, 2,5 მლნ დოლარად მიყიდა. მაისში, სახელმწიფო ქონების ეროვნული სააგენტოს საიტზე განთავსებულ ინფორმაციაში აღნიშნული იყო, რომ ყოფილი სანატორიუმი ''მეშახტე'' -ს საწყისი ღირებულება აუქციონზე 5 მლნ 530 ათას 300 ლარი იქნებოდა.
სახელშეკრულებო პირობების მიხედვით, წყალტუბოში, რუსთაველის ქუჩა №13-ში მდებარე სანატორიუმში 3 წლის ვადაში არანაკლებ 100 ნომრიანი, 5 ვარსკვლავიანი საერთაშორისო ბრენდის სასტუმრო განთავსდება.
მთავრობამ კი ინვესტორის წინაშე გარკვეული ვალდებულება აიღო. კერძოდ მთავრობა ვალდებულია სასტუმროსათვის ბუნებრივი აირის მიწოდების მიზნით, სათანადო მოცულობის (წნევით ბუნებრივი აირის გატარების) მილის გაყვანა უზრუნველყოს, რისთვისაც ფული საქართველოს მუნიციპალური განვითარების ფონდის ბიუჯეტიდან დაიხარჯება.
