ეროვნული საინვესტიციო სააგენტოს ხელმძღვანელმა გიორგი პერტაიამ საქართველო-ისრაელის ბიზნეს პალატის მიერ ორგანიზებული ოფიციალური ვიზიტის ფარგლებში იერუსალიმში საქართველო-ისრაელის ბიზნეს ფორუმში მიიღო მონაწილეობა.
ფორუმს ესწრებოდნენ მსხვილი ებრაული კომპანიების წარმომადგენლები ისეთი სექტორებიდან როგორებიცაა ენერგეტიკა, ტურიზმი, ინფრასტრუქტურა და წარმოება.
ღონისძიებაზე საინვესტიციო სააგენტოს ხელმძღვანელმა და თბილისის მერმა ბიზნესმენებს წარუდგინეს საქართველოში სხვადასხვა სრაფად მზარდი საინვესტიციო სექტორებისა და საქართველოს საინვესტიციო გარემოს შესახებ პრეზენტაციები.
ბიზნეს ფორუმის გარდა ასევე გაიმართა ორმხრივი შეხვედრები ებრაელ ინვესტორებთან. შეხვედრებზე ბიზნესმენებს საშუალება მიეათ უკეთ გაცნობოდნენ საქართველოში არსებულ ბიზნეს გარემოს და ინვესტირების შესაძლებლობებს, დაესცათ მათთვის მნიშვნელოვანი კითხვები და მიეღოთ ინფორმაცია ქვეყანაში განხორციელებული და მიმდინარე მნიშვნელოვანი პროექტების შესახებ.
ვიზიტისა და გამართული შეხვედრების შედეგია ებრაელ ბიზნესმენთა დაინტერესება საქართველოში სასტუმროების ბიზნესისა და წარმოების სექტორებში ინვესტიციების განხორციელებით.უკვე შეთანხმდა შემოდგომაზე რამდენიმე კომპანიის ხელმძღვანელი პირის ვიზიტი, რომელთაც საინვესტიციო სააგენტო საქართველო-ისრაელის ბიზნეს პალატასა და თბილისის მერიასთან ერთად ადგილზე გააცნობს საინვესტიციო პროექტებსა და შესაძლებლობებს.
