ქალაქ თბილისის მერის დავით ნარმანიას განცხადებით, ხელშეკრულება მორგებულია ”სითი პარკზე” და არა მომხმარებელზე. დავით ნარმანია ხელშეკრულებაში ცვლილებების შეტანას და კომპანიისგან კუთვნილი თანხის ანაზღაურებას ითხოვს.
”ჩვენ გვინდა, რომ ხელშეკრულება იყოს უფრო მეტად დაბალანსებული, შემოსავლების განაწილება დედაქალაქის ბიუჯეტს და კომპანიას შორის იყოს სამართლიანი და თანასწორი. დედაქალაქის ბიუჯეტს წინამორბედების მხრიდან განხორციელებული ცვლილებების შედეგად დააკლდა თანხა. ჩვენ როცა მოვედით, შემოსავლების განაწილების უფრო სამართლიანი მოდელი წარმოვადგინეთ. ამის საფუძველზე დედაქალაქის ბიუჯეტს ეკუთვნის თანხა, რომელიც კომპანია ”სითი პარკისგან” დღემდე არ მიგვიღია”,- აღნიშნა ნარმანიამ.
