ბათუმში ოთხვარსკვლავიანი სასტუმრო ”Colosseum Marina Hotel-ი დღეს ოფიციალურად გაიხსნა. სასტუმრო ოფიციალურად საქართველოს პრემიერ-მინისტრმა ირაკლი ღარიბაშვილმა გახსნა.
მიუხედავად იმისა, რომ ”Colosseum Marina Hotel”-ი დღეს გაიხსნა, სასტუმროს სტუმრების მიღება უკვე დაწყებული ქონდა. ახალ ბულვარში მდებარე, სასტუმროს ფორმისა და დიზაინის გამო, ბათუმში ჩასული უცხოელი ტურისტები არჩევანს ”Colosseum Marina Hotel”-ზე აკეთებენ, რის გამოც სასტუმროს მენეჯმენტს სტუმრების მიღება ოფიციალურ გახსნამდე მოუხდა.
”Colosseum Marina”-ს მშენებლობაში ინვესტორმა - "მარი ჯგუფმა" (შემდგომში შპს ”MARINE COLISEUM”), რომლის 100 %-იანი წილის მფლობელი ინგა არშბაა, 14 მლნ დოლარამდე ინვესტიცია განახორციელა.
”Colosseum Marina Hotel”-ი 10 სართულიანია და 101 ნომერს მოიცავს. ნომრის ღირებულება კი ამ დროისათვის 100 დოლარიდან იწყება. აღსანიშნავია ისიც, რომ სასტუმროს ნომრების დაჯავშნა და შესაბამისი სერვისების ყიდვა Booking.com-ზე უკვე შესაძლებელია.
”Colosseum Marina Hotel”-ში 2 ღია და დახურულ აუზია. 2016 წლიდან კი სასტუმროში ფუქნციონირებას სამორონეც დაიწყებს.
შეგახსენებთ, რომ ინვესტორმა ბათუმში, ხიმშიაშვილის ქუჩის გასწვრივ მდებარე 2276 კვ/მ შენობა-ნაგებობა და მასზე დამაგრებული 8121 კვ/მ არასასოფლო-სამეურნეო დამიშნულების მიწის ნაკვეთი, პირდაპირი მიყიდვის ფორმით 2012 წელს, 1 ლარად შეიძინა. ადგილობრივ მთავრობასა და ინვესტორს შორის გაფორმებული ხელშეკრულების თანახმად, "მარი ჯგუფმა" სასტუმროს მშენებლობა 2013 წლის 1 მარტამდე დაიწყო.
