2015 წლის ივლისში, ლონდონის საფინანსო სექტორის კომპანიებში, ვაკანსიების რაოდენობა, გასულ წელთან შედარებით, 17%-ით გაიზარდა. ინფორმაციას სააგენტო Bloomberg-ი დასაქმების სააგენტოს Morgan McKinley მიერ ჩატარებულ გამოკითხვაზე დაყრდნობით ავრცელებს.
ბრიტანეთის დედაქალაქის ბიზნეს რაიონებში - სიტსა და კენერი-უორფის ფინანსურ კომპანიებში ახალი ვაკანსიების რაოდენობა გასულ თვეში 10,92 ათასამდე გაიზარდა (2014 წელი - 9,315 ათასი).
ახალი თანამშრომლებისთვის შეთვაზებული ხელფასი საშუალოდ 22%-ით გაიზარდა, რაც ბოლო 12 თვის განმავლობაში მაქსიმალურ ზრდას წარმოადგენს.
დიდი ბრიტანეთის ბანკები გამკაცრებული რეგულაციების ფონზე აქტიურად ზრდიან შტატებს ნორმატიულ-სამართლებრივი უზრუნველყოფის სფეროში. ამავე დროს, მიმდინარეობს საინვესტიციო და სავაჭრო ქვეგანყოფილებების რეორგანიზაცია, სადაც ხდება სამუშაო ადგილების შემცირება.
ბრიტანეთის ნაციონალური სტატისტიკური სამმართველოს (ONS) მონაცემების მიხედვით, ქვეყანაში 2015 წლის მეორე კვარტალში ხელფასების საშუალო ზრდის ტემპმა, ბონუსების გათვალისწინებით, 2,4% შეადგინა.
