თურქული ლირა აშშ-ს დოლართან მიმართებაში რეკორდულად გაუფასურდა, რასაც ხელი ქვეყნის შიგნით მიმდინარე მოვლენებმაც შეუწყო.
თუმცა ყველაფერი ივნისიდან დაიწყო, როდესაც
"სამართლიანობისა და განვითარების პარტიამ" არჩევნები მოიგო, მაგრამ პირველად 2002 წლის შემდეგ საპარლამენტო უმრავლესობა დაკარგა.
შესაბამისად პარტიამ დაკარგა უფლება მთავრობის ფორმირება მოეხდინა. კოალიციის შექმნაც ვერ მოხერხდა. მხარეებს შორის მოლაპარაკებებიც უშედეგოა. სწორედ ამ ყველაფერმა თურქეთის ვალუტაზე უარყოფითი გავლენა იქონია.
თუმცა ეს თურქეთის პრობლემებია ნაწილია. ზაფხულის შუა პერიოდში დაირღვა ზავი ოფიციალურ ანკარასა და ქურთისტანის ”მშრომელთა პარტიას” შორის, რამაც თურქეთი თითქმის ომამდე მიიყვანა. ქვეყანაში განხორციელდა რამდენიმე ტერაქტიც.
სწორედ ტერორისტული საშიშროებების ზრდის ფონზე ქვეყანამ შესაძლოა ტურიზმიდან მინიმუმ 5 მლრდ ევროც დაკარგოს.
აღსანიშნავია, რომ მსოფლიოს ყველაზე პოპულარულ ტურისტულ ადგილებს შორის მეექვსე ადგილზეა. გასულ წელს ქვეყანამ 42 მლნ უცხოელი ტურისტი მიიღო, ხოლო ტურიზმიდან შემოსავალმა 2014 წელს 30 მლრდ ევრო შეადგინა.
2015 წლის პირველ ნახევარში, გასული წლის ანალოგიურ პერიოდთან შედარებით, თურქეთში უცხოელი ტურისტების რაოდენობა 13,8 %-ით შემცირდა.
.
