სექტემბერ- ოქტომბერში შესაძლოა ყავა გაძვირდეს. მიზეზი უცხოურ ბაზარზე ფასის მატებაა, თუმცა იმპორტიორი კომპანიები ჯერჯერობით მარაგის არსებობის ხარჯზე ღირებულების შენარჩუნებას ახერხებენ.
” ერთ- ორ თვეში შემოვიტანთ და თუ გაზრდილი იქნება ისევ ფასი ჩვენც მოვუმატებთ. გვაქვს ”არაბიკას” 3 სახეობის ყავა - ხსნადი, მარცვალი და ერთჯერადი. კგ. უნალექო ხსნადი 30 ლარს, ნალექიანი 45 ლარს და ერთჯერადი - ერთი ცალი 8 თეთრს შეადგენს”, _ ამბობს შპს ” ტასოს” დირექტორი ღვთისო ავლახიშვილი.
ფასს ინარჩუნებენ ”ჩერიშიც”. როგორც ”ჯი-ეიჩ-ენს” კოპანიის დირექტორმა ირაკლი ლომთათიძემ განუცხადა, ყავის მარაგი ნოემბრის ბოლომდე არის განსაზღვრული და ამ დრომდე ფასი ფიქსირებულია. თუკი, საერთაშორისო ბაზარზე ფასის ზრდის ტენდენცია გაგრძელდება, ყავის ღირებულებას კომპანია ”ჩერიც” გააძვირებს.
” ჩვენ გვაქვს ყავის მარაგი ნოემბრის ბოლომდე. ამიტომ, მოკლევადიანი ფასთა ცვლილება ”ჩერიზე” არ ახდენს გავლენას. გრძელვადიან პერსპექტივაში, შეიძლება მოახდინოს. თუ გაგრძელდება ეს ტენდენცია ჩვენც მოვუმატებთ. სულ გვაქვს 14 დასახელების ყავა, მათ შორის 14 არაბიკაა. ამჟამად კგ მწვანე მარცვალი ღია ბაზარზე ღირს 20, 20 ცენტი. საქართველოში ახლა ერთი კგ-ს 8,50 თეთრად ვყიდით”, _ აცხადებენ კომპანიაში.
