სოფლის მეურნეობის მინისტრის ოთარ დანელიას თქმით, საქართველოში ხორბლის ძალიან მაღალი მოსავალია, ამას ემატება საერთაშორისო ბაზარზე ხორბლის გაიაფებაც, რაც მეტყველებს იმაზე, რომ ფქვილის გაძვირების მიზეზი არ არსებობს.
” საქართველოში არის ძალიან მაღალი მოსავალი ხორბლის, მესმის, რომ ეს ცალსახად სასურსათო დანიშნულებისა ვერ იყოს, მაგრამ შერევისთვის ეს არის მისაღები ხარისხი. პლუს ამას ემატება ხორბლის ფასის გაიაფება. საერთაშორისო ხორბალი ყველგან გაიაფებულია. შესაბამნიდსად, ფქვილის ფასის მატების ლოგიკა არ არსებობს.
იგი ასევე გამოეხმაურა კომპანია იფქლის წარმომადგენლების განცხადებას სამინისტროს წარმომადგენლებთან შეხვედრასთან დაკავშირებით და აღნიშნა, რომ ინფორმაცია იმის თაობაზე, რომ შეხვედრაზე მათი მხრიდან უარი ითქვა არასწორია. სოფლის მეურნეობის მინისტრმა ჟურნალისტებთან აღნიშნა, რომ ისინი კომპანიის წარმომადგენლებს სავარაუდოდ მომდევნო კვირას შეხვდებიან.
”ჩვენ სავაურაუდოდ მიმდინარე კვირაში შევხდებით, თუ აქ სხვა გერმოებებზეა საუბარი, გამიჭირდება რაიმე კონკრეტული თქმა. და ასევე ძალიან მაინტერესებს და დააკონკრეტონ, ის მიმართულება როდესაც ამბობენ, რომ გამკაცრდა კონტროლი ხორბლის და ფქვილის ნაწილში. მე ძალიან მაინტერესებს რას გულისხმობენ, რადგან ჩვენ ამის შესახებ არაფერი ვიცით”, _ აცხადებს ოთარ დანელია.
