ბათუმში ძველი ლიფტების ახლით ჩანაცვლება მიმდინარეობს. ბათუმის მერიის ინფორმაციით, ა(ა)იპ ბათუმის კორპუსი ქალაქის მასშტაბით ამორტიზებული ლიფტების ახლით ჩანაცვლებას ახორციელებს. კაპიტალურად შეიცვლება როგორც კაბინა, ასევე ბაგირები და სპეციალური მუხრუჭები. სამუშაოებისათვის ბიუჯეტიდან ნახევარი მილიონი ლარია გამოყოფილი. ლიფტების გამოცვლა თანადაფინანსებით განხორციელდება, საფასურის 10% საბინაო ამხანაგობები, ხოლო 90% კი ქალაქის მერია დააფინანსებს.
ახალი ლიფტების ღირებულება კაბინების ღირებულებაზე და ლიფტის სიდიდეზე იქნება დამოკიდებული.
