”ელიტ ელექტრონიქსი” სავაჭრო ქსელს აფართოებს. როგორც ”ჯი-ეიჩ-ენს” კომპანიის საზოგადოებასთან ურთიერთობის პიარ მენეჯერმა ნოკა ბაინდურაშვილმა განუმარტა, ახალი ფილიალი კახეთის გზატკეცილზე, სავაჭრო ცენტრ ”ისთ ფოინთში” განთავსდება.
ამჟამად ობიექტზე მიმდინარეობს სარემონტო სამუშაოები, რომელიც სავარაუდოდ რამდენიმე თვეში დასრულდება. ნოკა ბაინდურაშვილის თქმით, მაღაზია სავაჭრო ცენტრში ახალ წლამდე გაიხსნება. შეგახსენებთ, რომ ტექნიკის მაღაზია "ელიტ ელექტრონიქსი" საქართველოს სამომხმარებლო ბაზარზე 1996 წლიდან ფუნქციონირებს. მიმდინარე ეტაპზე 19 ფილიალით და ერთი ფრანჩაიზის მაღაზიით არიან წარმოადგენილნი. აქედან 9 თბილისში მდებარეობს.
