ტექნიკის საცალო ქსელში აცხადებენ, რომ უცხოურ ვალუტასთან მიმართებაში, ლარის გაუფასურებას ამ ეტაპისთვის, ტექნიკის ღირებულებაზე გავლენა არ მოუხდენია. კომპანიების ნაწილი, ფასის შენარჩუნებას მომწოდებლებთან და მომხმარებელთან, მჭიდრო კომუნიკაციის შედეგად ცდილობენ.
” ბოლო ერთი კვირაა ჩვენთან ცვლილება არ მომხდარა, არც ბოლო 2 თვეა. მარჟის შემცირება მოხდა და მომწოდებლებთანაც სულ კომუნიკაციაში ვართ. კურსის იმხელა ცვლილებაც არ მომხდარა, რომ ფასი გაგვეზარდა. ყოველშემთხვევაში ვცილობთ მომწოდებლებთან კონსულტაციის მხრივ შევინარჩუნოთ ფასი. თუ ძალიან გაუფასურდება ეროვნული ვალუტა, პროდუქტზე ღირებულების მომატება მოგვიწევს, იმ შემთხვევაში თუ კურსი შენარჩუნდება, ღირებულებას არ გავაძვირებთ”, _ აცხადებს ”ტექნო ბუმის” დამფუძნებელი ანზორ ქოქოლაძე. ფასის მატებას ტექნიკაზე არც ,,ელიტ ელექტრონიქსში” აპირებენ, კომპანიაში კურსის ცვლილების მიუხედავად, ღირებულებას ინარჩუნებენ.
