დაზუსტებული მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2014 წელს 1758 მლნ. აშშ დოლარი შეადგინა, რაც 87 პროცენტით აღემატება 2013 წლის შესაბამის მაჩვენებელს.
”საქსტატის” ინფორმაციით, 2014 წელს საქართველოში პირდაპირი უცხოური ინვესტიციების შემომავალმა ნაკადებმა 2873 მლნ. აშშ დოლარი შეადგინა, ხოლო რეინვესტიციის ოდენობამ მთლიანი პირდაპირი უცხოური ინვესტიციების 19 პროცენტი.
სტატისტიკური ინფორმაციის მიხედვით, 2014 წლის მონაცემებით საქართველოსთვის ნომერ პირველი ინვესტორი ქვეყანა ნიდერლანდებია, საიდანაც ქვეყანაში 373.7 მლნ დოლარის ინვესტიცია განხორცუიელდა. მეორე პოზიციაზეა აზერბაიჯანი - 341.4 მლნ დოლარით, ხოლო მესამე პოზიციას ჩინეთი იკავებს - 217.9 მლნ დოლარით.
უმსხვილესი სამი ინვესტორი ქვეყნის წილმა მთლიან პირდაპირ უცხოურ ინვესტიციებში 2014 წლის დაზუსტებული მონაცემების მიხედვით 52 პროცენტი შეადგინა.
უფრო კონკრეტულად ნიდერლანდებიდან შემოსული ინვესტიციების წილმა მთლიან ინვესტიციაში 21 პროცენტი შეადგინა, აზერბაიჯანულმა ინვესტიციამ 19 პროცენტი, ხოლო ჩინურმა ინვესტიციამ კი 2 პროცენტი.
სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 2014 წელს 55 პროცენტი შეადგინა. ყველაზე მეტი პირდაპირი უცხოური ინვესტიცია ტრანსპორტის და კავშირგაბმულობის სექტორში განხორციელდა და 433.7 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 25 პროცენტია. მეორე ადგილს იკავებს მშენებლობის სექტორი 316.6 მლნ. აშშ დოლარით (18 პროცენტი), ხოლო მესამეს დამამუშავებელი მრეწველობა - 205.4 მლნ. აშშ დოლარით (12 პროცენტი).
