” მერსედეს ბენცის” გაყიდვების განყოფილების უფროსის, ლაშა ლომიძის შეფასებითაც, ავტომობილებზე ასაკობრივი შეზღუდვა, იაფფასიან მოდელებზე მოთხოვნას გაზრდის.
” შეიძლება აღარ შემოვიდეს 2000 წლის ”მერსედესი”, ან ”ბე-ემ-ვე” და იყიდონ ახალი შედარებით უფრო დაბალფასიანი, სხვა მოდელის ავტომობილი. ზოგადად, ამას არ ვუყურებ ბიზნესის კუთხით. ეს არის აუცილებელი უსაფრთხოებისთვის, ჩვენი შვილების ჯანმრთელობისთვის. ყველა ქვეყანა მივიდა ამ აზრამდე, რომ ეს აუცილებელია. ამას ბიზნესის კუთხით ნაკლებად ვუყურებ”, _ განუცხადა „ჯი-ეიჩ-ენს“ ლაშა ლომიძე.
შეგახსენებთ, რომ საუბარი მიდის 2000 წლამდე არსებულ მანქანების იმპორტის შეზღუდვაზე. გავრცელებული ინფორმაციის მიხედვით, დედაქალაქში ძველი ავტომობილების შემოყვანა მას შემდეგ აიკრძალება, როდესაც დაზუსტდება გადასახადის ოდენობა და პარამეტრები, რასაც ტექდათვალიერების დამადასტურებელი მოწმობის მისაღებად მანქანა უნდა აკმაყოფილებდეს.
