ეკონომიკის საკითხებში ექსპერტის დემურ გიორხელიძის შეფასებით, წელს ყურძნის რეალიზაცია გართულდება, რადგან ღვინის კომპანიებს მარაგი აქვთ დარჩენილი. სწორედ ამიტომაც შესაძლოა ყურძნის სრულად შესყიდვა ვერ მოხერხდეს.
” ვფიქრობ, რომ ღვინის კომპანიები სრულად ვერ შეისყიდიან მოსავალს. აქაც გაჩნდება პრობლემა. მე არ ვიცი რას ფიქრობს სოფლის მეურნეობის სამინისტრო, მაგრამ რეალიზაციაში მიხმარება ძალიან კარგი იქნებოდა და ამაზე რაღაც თანხა დახარჯული უნდა იყოს”, - აცხადებს გიორხელიძე.
გიორხელიძე მიიჩნევს, რომ სუბსიდირება გათვლილი უნდა იყოს წარმოების ყველა ეტაპზე და ამასთანავე საჭიროდ თვლის, რომ მოხდეს სახელმწიფოს მხრიდან მწარმოებლის სტიმულირება.
” წელს ყურძნის ჩაბარების პრობლემა იქნება. დარჩებიან ადამიანები, რომლებიც ვერ შეძლებენ ამ პროგრამებში მონაწილეობას და უკვე საკუთარი რისკით ეცდებიან ნაშრომის დაბინავებას”, _ აცხადებს დემურ გიორხელიძე.
