” მაგთიკომმა” კომუნიკაციების მარეგულირებელ კომისიაში ”კავკასუს ონლაინის” შეძენაზე განცხადება შეიტანა. როგორც ”ჯი-ეიჩ-ენს” მარეგულირებელში განუცხადეს, კომპანიამ ყიდვის სურვილით 10 აგვისტოს მიმართა. ამჟამად საკითხზე მიმდინარებს კვლევა და ესეც იგივე პროცედურებს და მასშტაბებს მოიცავს რაც იყო ” სილქნეტის” შემთხვევაში.
” საჯარო სხდომაზე გავა საკითხი. ჯერ კომისია დაიწყებს საჯარო ადმინისტრაციულ წარმოებას, კვლევა- ანალიზის ჩატარების თაობაზე. ამასთანავე განიხილება ორი კომპანიის შერწყმის შედეგები. ანუ გაერთიანებამ, თუ რა გავლენა შეიძლება იქონიოს ელექტრონული კომუნიკაციების გაზრდაზე”, _ აცხადებს კომუნიკაციების ეროვნული კომისიის საზოგადოებასთან ურთიერთობის ხელმძღვანელი ხატია ყურაშვილი.
მარეგულირებლის წარმომადგენლის განმარტებით, საკითხის განხილვა 3-4 თვე გაგრძელდება, საჯარო ადმინიტრაციული წარმოებისთვის 15 დღეა განსაზღვრული. კომისიის სხდომა სავარაუდოდ მომდევნო ხუთშაბათს ჩატარდება.
” კავკასუს ონლაინის” შესყიდვაზე განცხადების შეტანა ” მაგთიკომშიც” დაგვიდასტურეს, რა სახის შეძენაზეა საუბარი, ეს მოხდება სრულად, თუ მხოლოდ საცალო სერვისს ეხება, მსგავს დეტალებს კომპანიაში ჯერჯერობით არ გვიკონკრეტებენ.
” პროგნოზების გაკეთება ძალიან რთულია. განცხადება შეტანილია მარეგულირებელში. ” მაგთიკომის” მიერ კავკასუსიხ შეძენის საკითხზე”, _ აცხადებს ” ჯი-ეიჩ-ენთან” მაგთიკომის საზოგადოებასთან ურთიერთობის მენეჯერი თათული ღვინიაშვილი.
