1 აშშ დოლარის ოფიციალური გაცვლითი კურსი 2.3093 ლარი გახდა. საქართველოს ეროვნულმა ბანკმა ლარის ოფიციალური გაცვლითი კურსი დაადგინა, რომლის მიხედვით, ეროვნული ვალუტის კურსი დოლართან მიმართებაში გაუფასურდა.
ხვალიდან, 13 აგვისტოდან, 1 დოლარის შეძენა 2.3093 ლარად იქნება შესაძლებელი.
ეროვნული ბანკის მიერ დადგენილი კურსი, რომელიც დღეს მოქმედებდა, 2.2980 ლარს შეადგენდა. შესაბამისად, ლარის ოფიციალური გაცვლითი კურსის ცვლილებამ 0.0113 ლარი შეადგინა.
ეროვნული ვალუტა ევროსთან მიმართებაშიც გაუფასურდა. კერძოდ, ხვალიდან, 13 აგვისტოდან, 1 ევროს შეძენა 2.5735 ლარად იქნება შესაძლებელი, მაშინ როცა დღეს მოქმედი კურსი 2.5356 ლარს შეადგენდა.
ლარის ოფიციალური გაცვლითი კურსის ცვლილებამ ევროსთან მიმართებაში 0.0379 ლარი შეადგინა.
