ირანისთვის საერთაშორისო სანქციების მოხსნა, რომელიც შესაძლებელი გახდა „ექვსეულსა“ და ირანს შორის გაფორმებული ხელშეკრულების შემდეგ, მნიშვნელოვნად შეამცირებს ნავთობის ფასსს. ასეთ პროგნოზს მსოფლიო ბანკის ექსპერტები აკეთებენ.
ირანის მსოფლიო ბაზარზე სრულად დაბრუნების შემდეგ, გასაყიდი ნავთობის მოცულობა დღე-ღამეში 1 მლნ ბარელით გაიზრდება. მსოფლიო ბანკის ექსპერტების გათვლებით, 2016 წელს ნავთობის ფასი ბარელზე 10 დოლარის ფარგლებში დაიკლებს, რაც 21 %-ით ნაკლებია დღევანდელ ფასთან შედარებით.
მსოფლიო ბანკის ექსპერტების პროგნოზით, 2015 წელს მოსალოდნელია ირანის მშპ-ს 3 %-იანი, ხოლო 2016 წელს - 5 %-იანი ზრდა.
წინასწარი გათვლებით, ირანიდან ექსპორტი 17 მლრდ დოლარი იქნება.
ყველაზე მეტად ირანი სავაჭრო ურთიერთობებს დიდ ბრიტანეთთან, ჩინეთთან, ინდოეთთან და საუდის არაბეთთან განავითარებს. მოსალოდნელია ქვეყანაში უცხოური ინვესტიციების ზრდა, წელიწადში 3 მლრდ დოლარის ფარგლებში.
