ბათუმში „მეტრო ატლას ჯორჯიას“ გაყიდვების ოფისი გაიხსნა. გახსნაზე აჭარის მთავრობის თავმჯდომარეს და აჭარის ფინანსთა და ეკონომიკის მინისტრს ახალი ობიექტის დეტალები თავად „მეტრო ატლას ჯორჯიას“ დამფუძნებელმა გალიფ ოზთურქმა გააცნო. აჭარის მთავრობის პირველი პირები ასევე სასტუმრო „მეტრო სითისა“ და აპარტამენტების მშენებლობას გაეცნენ.
შპს „მეტრო ატლას ჯორჯია“ აღნიშნული პროექტით რეგიონში 90 მლნ აშშ დოლარის ინვესტიციის განხორციელებას გეგმავს. 2 სართულიანი სასტუმრო კომპლექსი „მეტრო სითი“ მინიმუმ 203 ნომრიანი იქნება. ტერიტორიაზე 3 შენობაში სულ 594 აპარტამენტი განთავსდება. ამ ეტაპზე უკვე აშენებულია სასტუმროს 6 სართული და აპარტამენტების 9 სართული. სასტუმრო „მეტრო სითიში“ 1500 ადამიანზე გათვლილი საკონფერენციო დარბაზი, სავაჭრო ცენტრი,VIP რეზიდენცია, სამორინე და სხვა ობიექტები განთავსდება.
აღნიშნული ინვესტიცია 600 დან 1500 მდე ადამიანის დასაქმებას ითვალისწინებს. სასტუმროს მშენებლობა, კომპანიის განცხადებით, ხელშეკრულებით გათვალისწინებულ ვადაზე 2 წლით ადრე - 2017 წლის ბოლოს დასრულდება.
