საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნული სააგენტოს“ ერთ–ერთ უმთავრეს პრიორიტეტს წარმოადგენს სახელმწიფო საწარმოთა საქმიანობის გამჭვირვალობის და ინფორმაციის ხელმისაწვდომობის უზრუნველყოფა. აღნიშნული მიმართულებით სააგენტოს მხრიდან განხორციელებული იქნა მთელი რიგი ღონისძიებები.
სააგენტოს მიერ მიმდინარეობს სახელმწიფოს მართვაში არსებული, იმ საწარმოების ლიკვიდაციის, გაკოტრებისა და ოპტიმიზაციის პროცესი, რომლებიც არ ფუნქციონირებენ ან არ ეწევიან სამეწარმეო საქმიანობას და იმყოფებიან მძიმე ფინანსურ მდგომარეობაში.
დღეის მდგომარეობით სააგენტოს მართვაშია 243 საწარმო, აქედან ეკონომიკურ საქმიანობას მხოლოდ 68 საწარმო ეწევა, 24 საწარმოზე მიმდინარეობს გაკოტრების საქმის წარმოება.
სააგენტოში შემუშავებული და დანერგილია რეპორტინგის სისტემა, კერძოდ კი, მონაცემთა შეგროვების ფორმის მეშვეობით ხორციელდება სახელმწიფო ქონების ეროვნული სააგენტოს მართვაში მყოფ საწარმოთა მონიტორინგი და ფინანსური ინფორმაციის შეგროვება. მონაცემთა შეგროვების ფორმა (DCT) დამტკიცებულია სააგენტოს მიერ და შექმნილია ფინანსური აღრიცხვის საერთაშორისო სტანდარტების (IFRS) დაცვით, სახელმწიფო წილობრივი მონაწილეობით მოქმედი საწარმოების აქტივების შესახებ მონაცემების განახლება/დაზუსტების მოტივით.იმის გათვალისწინებით, რომ საწარმოების საკუთრებაში რიცხული ქონების ღირებულება არ შეესაბამება ფაქტობრივ მდგომარეობას, კომპანიებს დაევალათ საკუთარი აქტივების სრული ინვევნტარიზაცია და გადაფასება აღრიცხვის საერთაშორისო სტანდარტების (IFRS) მეთოდოლოგიით.
ანტიკორუფციული საბჭოს რეკომენდაციით განსაზღვრული ტრენინგების ფარგლებში,მიმდინარეობს ინტენსიური მუშაობა სახელმწიფო კომპანიების მენეჯმენტთანდა დაგეგმილია დამატებითი ტრენინგების ჩატარება საწარმოთა ხელმძღვანელთათვის და ფინანსური სამსახურის თანამშრომლებისათვის. აღნიშნული ტრეინინგები ჩატარდება მიმდინარე კვირაში ქალაქ ქუთაისში (მოიცავს დასავლეთ საქართველოს) და შემდეგ ქალაქ თბილისში.
მიმდინარე პერიოდში სსიპ „სახელმწიფო ქონების ეროვნული სააგენტოს“ მიერ, საწარმოებიდან სრულყოფილი ფინანსური ინფორმაციის მიღების მიზნით, განხორციელდა ცალკეული საწარმოს ფინანსურ მენეჯმენტთან უწყისების შევსების სპეციფიკის ინდივიდუალურად განხილვა და გაიცა შესაბამისი რეკომენდაციები.
სახელმწიფო საწარმოებში დასაქმებულია 9882 თანამშრომელი, რომელთა ჯამური შრომითი ანაზღაურება განსაზღვრულია წელიწადში 90674084 ლარით, რაც საშუალოდ, ერთ თანამშრომელზე წელიწადში 9176 ლარს შეადგენს.
სახელმწიფოს მართვაში არსებულ ზოგიერთ საწარმოში,სააგენტოს ინიციატივით, კონკურსის წესით დანიშნულ იქნა დირექტორები, თუმცა მსგავსი ვალდებულება კანონით არ არის განსაზღვრული.
სააგენტომ, საქართველოს სახელმწიფო აუდიტის სამსახურის მიერ გადმოცემულ საწარმოთა ნუსხით განსაზღვრულ საწარმოებში (75 საწარმო) სახელმწიფო წილობრივი მონაწილეობის ფაქტის დადგენისა და დადასტურების მიზნით, განახორციელა შესაბამისი ღონისძიებები. იმის გათვალისწინებით, რომ მეწარმეთა და არასამეწარმეო (არაკომერციული) იურიდიული პირების რეგისტრაციის სამსახურის მონაცემთა ელექტრონული ბაზის ეტაპობრივი-მიმდინარე დამუშავების გამო, არსებობს მონაცემთა უზუსტობის ალბათობა და მთელ რიგ საწარმოებზე არ არსებოდა რეესტრის ამონაწერები, სააგენტოში განხორციელდა ინფორმაციის შეგროვება აღნიშნულ საწარმოებზე, შემდგომში მათი ოპტიმიზაციის პროცესში ჩართვის მიზნით. ჩატარდა შეხვედრები საწარმოების დირექტორებთან. ინფორმაციის შეგროვების შედეგად აღმოჩნდა, რომ 3 საწარმო პრივატიზებულია, მაგრამ არ არის შესაბამისი ცვლილება რეგისტრირებული საჯარო რეესტრში.დღეის მდგომარეობით,სააგენტოს მიერ, გადახდისუუნარობის საქმის წარმოების დაწყების მიზნით, აღნიშნული 75 საწარმოდან, მომზადებულია დოკუმენტაცია 10 საწარმოზე.
სსიპ „სახელმწიფო ქონების ეროვნული სააგენტო“ აგრძელებს აღებულ კურსს და ახორციელებს გადახდისუუნარო საწარმოთა მინიმიზაცია/ოპტიმიზაციის პროცესს.
